Suut neqeroorutigisinnaavagut?
Asiaq-mi nunanik uuttortaasartutut sulininni suliassat assigiinngitsut pissanganartullu suliarisalersinnaavatit. Atorfik Nuummi inissisimavoq, aasakkulli Kalaallit Nunaanni sumiiffinni assigiinngitsuni sulisarpugut. Atorfimmi akisussaassuseqartumik ingerlatsineq kiffaanngissuseqarnerlu misigisassaapput, suliassaqarfiit akimorlugit sulisarpugut, aammalu suleqatit ammasumik oqaloqatiginissaat isumasioqatiginissaallu pingaartitaralutigu.

Pingaarnertut suliassatit tassaapput GNSS totalstationillu atorlugit teknikkitigut nunanik uuttortaaneq aammalu naleqqiussiffiusartunik aserfallatsaaliineq. Suliassat ilagaat pilersaarusiorneq, paasissutissanik suliaqarneq nalunaarusiornerlu. Taakkua saniatigut bathymetrit dronellu atorlugit uuttortaanerni peqataasarsinnaavutit, taakkualu suliarineqartarput GIS-imi 3D-milluunniit takussutissanik suliaqarnermi ortofotoliornernilu.

Nunanik uuttortaanitsinni atortut nutaaliaasut soorlu Trimble S7, totalstationit TSC7 controlleritallit, Trimble R10 GNSS kiisalu Wingtra aamma Ebee sului aalajangersimasut quadkopter dronerillu atortarpagut. Erngup ataani misissuitilluta single- aamma multibeam echosounder atortarpagut. Paasissutissanik katersinissaq pilersaarusiorneqartarpoq suliallu softwaret soorlu MicroStation, Trimble Business Center, ArcGIS aamma Pix4D atorlugit suliareqqinneqartarlutik.

Kinaavit?
Nunanik uuttortaasumik teknikkitigut totalstation aamma GNSS atorlugit uuttortaanermik misilittagalimmik aammalu paasissutissanik CAD-imi GIS-imilu nakkutiginnissinnaasunik suliaqaqqissinnaasumillu ujartuivugut. Bathymetriskinik fotogrammetriskenik kiisalu ArcGIS-Pro-mik atuisinnaaneq iluaqutaasinnaavoq piumasaqaataananili.

Alapernaatsuussaatit, ilikkarusussuseqarlutit suliassanillu nutaanik tiguserusussuseqarlutit. Asiaq-mi sulinitsinni suliassaqarfiit akimorlugit sulisarpugut, taamaattumik suliassaqarfiginngisanni sulisinnaanissat takorloorparput ikiuussinnaanissallu, taamaalillutit piginnaasaqarnerulissaatit piginnaasatillu atorluarneqarnerussallutik. Suleqateqarusussuseqassaatit, peqqissaartuullutit attaveqallaqqissuullutit, suleqatigiit iluanni avataanilu sullittakkanut attaveqaqatigiinnerup pitsaasup pilersinneqarnissaa soqutigisarissavat. Timikkut pisinnaasaqassaatit issittumilu nunami sulinissannut piareersimassallutit. Sulinissannut biilersinnaanissat piumasaqaataammat biilersinnaanermut allagartaq B-mik qaffasissusilik pigisariaqarpat.

Asiaq suua?
Asiaq suliffeqarfiuvoq Namminersorlutik Oqartussat namminersortitaat, tassanilu sulisut 20-upput. Suliffik Nuummi inissisimavoq, Kalaallit Nunaannilu avatangiisit tigussaasut uagut nunap assiliarisarlutigillu nalunaarsortarpagut. Suliagut inuussutissarsiutilinnit, pisortaqarfinnit, ilisimatusartunit inuiaqatigiinnillu atorneqartarput. 

Asiaq-mi piginnaasatigut qaffasissumik inissisimavugut, suleriaaserpullu ammasuulluni, suliassaqarfiit akimorlugit sulisarpugut. Silaannaap pissusaanik ilisimatusarnermi, aatsitassat pillugit ilisimatusarnermi, pinngortitanik illersuinissamut aammalu sanaartornissamut pilersaarusiornermi atorneqartussanik Geospatialimik attaveqaasersuinermut paasissutissanillu suliaqartarpugut.

Atorfininnermi atugassarititaasut:
Atorfininneq Namminersorlutik Oqartussani allaffissornikkut pisortanut kattuffiullu attuumassuteqarfigisap akornanni isumaqatigiissutaasimasut naapertorlugit inissisimapput. Malittarisassat atuuttut malillugit inissaqartitsisoqarsinnaavoq. Inimut akiliutit qularnaveeqqutillu inissatut neqeroorutaasumut malittarisassat malillugit akilerneqassapput. Sulinermut atatillugu inigisaq atorfeqarnermut attuumassuteqarpoq, atorfeqarnerlu taamaatippat qimanneqassalluni.

Ineqarnermut akiliutissaq inissiallu pitsaassusaa inissiap pisoqaassuaa, piginnittua assigisaalu aallaavigalugit assigiinngisitaarpoq. Inigisassamik tunineqarnissamut piffissaq sivisusinnaavoq, taamaattumik piffissap ilaa vakantimiittoqarsinnaavoq, tassunga ilanngullugu ineqateqarsinnaaneq imaluunniit akunnittarfimmiinneq, taakkununngalu akileraarutaasussaapput.

Qinnuteqartoq Namminersorlutik Oqartussat inaataanni sulinerminut atatillugu ineqareersimaguni, ineqarnermut innersuunneqarsinnaanermut pisinnaatitaaffini paariinnarsinnaavaa.

Ulloq atorfiniffissaq: 
Majip aallaqqaataa 2025, isumaluunniit isumaqatigiissuteqarnikkut.

Paasissutissat sukumiinerusut:
Paasissutissanik sukumiinerusunik pissarsiniaruit pisortaaneq Mette Skarregaard Pedersen msp@asiaq.gl -mut saaffigineqarsinnaavoq. Asiaq pillugu uani paasisaqarnerusinnaavutit www.asiaq.gl.

Qinnuteqarnissamut killigititaq: 
Qinnuteqaat kingusinnerpaamik pingasunngorneq 23. februaari 2025 nassiunneqassaaq. Qinnuteqaat, CV ilinniarsimanermullu uppernarsaatit linki tulliuttoq atorlugu nassiunneqassapput https://asiaq.career.emply.com/da/karriere.

Oqaloqatiginninnerit: 
Naatsorsuutigaarput sapaatip-akunnera 9-mi oqaloqatiginnissalluta.