Asiami ukioq naallugu atorfik inuttassarsiuunneqarpoq, atorfik immikkoortortaqarfimmi ilisimatuut nunat tamalaaneersut suliffigisaanniippoq, tassanilu imermut, silaannaap pissusaanut avatangiisinullu (HKM) tunngasut suliarineqartarput. Atorfik ilisimatusarnermi suliniummut qitiusumut inissisimavoq, tassunga ilanngullugu ICELINK, taannalu EU Horizonimit aningaasaliiffigineqarpoq, kiisalu saniatigut ilisimatusarnerit allat tapersersuiffiujumaarput nakkutilliinermullu sulisoqartassalluni.

Tulliuttut pillugit arlalinnik misilittagaqarputit: 

• Imernut tunngatillugu modellering aammalu / imaluunniit nunami aputinut modellering
• Atmosfærisk / klimamodeloutput 
• Imermut silaannaallu pissusaannut tunngatillugu nakkutilliivinni In-situnit paasissutissanik katersineq, suliaqarneq toqqortuinerlu 
• Paasissutissat in-situmeersut atorlugit nunami modelinilu takussutissanik uppernarsaasiineq
• Programmeriinermut piginnaasat annertuut aammalu paasissutissanik annertuunik suliaqarsinnaaneq kiisalu paasissutissanut toqqorsivinnit suliaqarsinnaaneq aammalu paasissutissanik aqutsineq suliassanillu nammineq ingerlasinnaasunik suliaqarneq 
• Issittumi nunami sulinermik misilittagaqarneq

Ilinniarsimasaq: MSc. Minnerpaamik – imaluunniit Issittumi imeqarnermut, silaannaap pissusaanut, kyosfærimut assigisaannulluunniit Ph.D. Qinnuteqartup tunuliaqutaa, piginnaasai misilittagaalu aallaavigalugit atorfik ilusilersorneqarumaarpoq.

Inuttut piginnaasat: Asiami pikkorissumik, aallussisumik ataqqinnittumillu sulisussarsiorpugut, pineqartoq suleqatiminut, sueqatigisartakkanut soqutigisalinnullu avataaneersunut atassuseqarsinnaavoq attassisinnaallunilu. Tuluttut allannikkut oqalunnikkullu qaffasissumik piginnaasaqassaaq. Kalaallit Nunaanni kulturimut ilisimasaqarneq iluaqutaasinnaavoq.

Asiaq: Asiaq pisortatigoortumik Kalaallit Nunaanni paasissutissanik paarsisuuvoq pisortaqarfiullunilu paasissutissanik uumaatsunut tunngasunut piginnittuusoq. Asiaq HKM-ilu sukumiinerusumik uani paasisaqarfigisinnaavatit www.asiaq.gl

HKM-mi pingaarnertut Kalaallit Nunaanni imermut tunngasut, silaannaap pissusaanut tunngasut kryosfærenullu tunngasut misissorlugillu nakkutigisarpaat. Piffissami matumani HKM-imi atorfillit 11-iupput.

Kalaallit Nunaat: Asiaq Kalaallit Nunaanni taamaallaat sulisarpoq, Nuummilu inissisimalluni. Kalaallit Nunaanni najugaqarneq inuunerlu paasisaqarfiginiarukku una atuaruk:
https://www.norden.org/en/info-norden/guide-moving-greenland-0

Neqeroorutigisinnaasagut:  

Atorfik soqutiginarluinnartoq assigiinngitsorpassuarnik suliniuteqarfiusoq, sulinermilu avatangiisit tikilluaqqusisut.

Akissarsianut atorfeqarnermullu atugassarititaasut, tassunga ilanngullugu atorfininnermi soraarnermilu angalaneq, isumaqatigiissutit atuuttut aallaavigalugit inissinneqassapput.

Ineqarnermut akiliutissaq inissiallu pitsaassusaa inissiap pisoqaassuaa, piginnittua assigisaalu aallaavigalugit assigiinngisitaarpoq. Inigisassamik tunineqarnissamut piffissaq sivisusinnaavoq, taamaattumik piffissap ilaa vakantimiittoqarsinnaavoq, tassunga ilanngullugu ineqateqarsinnaaneq imaluunniit akunnittarfimmiinneq, taakkununngalu akileraarutaasussaapput.

Paasissutissat allat: 

Isumaqatigiissuteqarnikkut atorfinitsitsisoqassaaq.

Atorfik pillugu paasissutissat sukumiinerusut pissarsiarerusukkukkit immikkoortortaqarfimmi aqutsisoq Anders Læsøe uunga attavigisinnaavat: mailto:anl@asiaq.gl 

Asiami ammasumik peqataatitsisumillu suliffissaqarnissaq anguniagaraarput, taamaattumik qinnuteqartut qanorluunniit tunuliaqutallit kinaassusillillu qinnuteqarnissaat tikilluaqquarput.

Qinnuteqaatit linki ataaniittoq atorlugu nassiuguk, qinnuteqaatit CV, ilinniarsimanermut uppernarsaatit allallu kakkiunneqassapput. Qinnuteqaat kingusinnerpaamik apriilip 22-at 2025 nassiunneqarsimassaaq.