Paasissutissanut immikkut ilisimasalik – Silaannaap pissusaa, Hydrologi aamma Kryosfære

Kalaallit Nunaanni sermini, kuunni silaannaap pissusaanniillu paasissutissanik immikkuullarissunik suliaqarusuppit?

Paasissutissat annertuut pisariusullu ilisimatusarnermi, attaveqaasersuutinut pilersaarusiornernut silaannaallu pissusaanut naleqqussaanissamut atugassanut ilisimasanngortinnissaannut sulinissat kissaatigaajuk? Siunissami Kalaallit Nunaanni paasissutissat avatangiisinut tunngasut ingerlanneqartarnissaannut ilusilersuisoqataarusuppit?

Asiaq – Kalaallit Nunaanni avatangiisinut paasissutissanullu katersivik, Kalaallit Nunaanni kryosfærip, hydrologip silaannaallu pissusaanut tunngasunik immikkuullarissumik suliaqarnissamut atorfimmik neqerooruteqarpoq.

Atorfik Hydrologinut, Silaannaap pissusaanut aammalu Avatangiisinut immikkoortortaqarfimmi inissisimavoq, tassaniippullu ilisimatuut 12-t teknikkikkullu immikkut ilisimasallit suleqatigilersinnaasatit.

Immikkoortortaqarfimmi sulisut ikitsut immikkut ilisimasallit suliassaqarfiit akimorlugit qanimut suleqatigiittut suleqatigilersinnaavatit. Ilisimasanik avitseqatigiinneq, ilisimasanik ineriartortitsineq suleqatigiinnerlu pingaartippagut.

Asiap massakkumut siunissamilu paasissutissanik ingerlatsineranut tunngasunik suliaqarnissaanut pingaarutilittut inissisimalissaatit, suliassaqarfiullu iluani nakkutiginninnissamut ilisimatusarnissamullu ingerlatsinissap iluanut taakkua iluaqutaajumaarput.

Suliassat

Paasissutissanut immikkut ilisimasalittut avatangiisinit paasissutissanik ingerlatsissaatit, misissuissaatit inerisaassallutillu. Ilaatigut suliarisassavatit:

• Paasissutissanik passussinermi suleriutsinik databasenillu inerisaaneq attassinerlu
• Paasissutissanik hydrologiskiusunik, klimatologiskiusunik aammalu glaciologiskiusunik suliaqarneq, pitsaassutsinik qulakkeerinninneq misissuinerlu
• Paasissutissanik suliaqarnermi suleriutsinillu automatiseriineq
• Nakkutilliinermut ilusilersuinermullu paasissutissanik suliaqarneq, tassunga ilanngullugu ilusilersuinermi suleriutsinik atuutilersitsineq
• Nunami nakkutigisanik uppernarsaaneq aammalu in-situ’mit paasissutissat atorlugit tigussaasunik ilusilersuineq
• Asiap siumut isiginnilluni periusissiaani suliassanut inerisaaqataaneq paasissutissanillu ingerlatsineq

Piginnaasat aamma misilittakkat

Ataani pineqartunik misilittagalimmik ujartuivugut:

• Silaannaap pissusaa, hydrologi aamma Kryosfære
• Programmeringi siammasissoq aammalu numeriske metoder
• Paasissutissanik misissuisinnaasoq, naatsorsuutillu aallaavigalugit periuseqarsinnaasoq, tassunga ilanngullugu paasissutissanik annertuunik suliaqarneq
• Matematiskimik numeriskimillu ilusilersuisinnaaneq
• Paasissutissanik ilusilersukkanillu uppernarsaaneq
• Paasissutissanik ingerlatsineq aammalu suleriutsinik automatiseriineq

Ilinniarneq

Naatsorsuutigaarput datalogip, geovidenskab, miljøvidenskab, computer science, ingeniørvidenskab taakkualu attuumaffigisaasa iluanni kandidatitut qaffasitsigisumik ilisimatusarfinnit naleqquttumik ilinniarsimanissat (cand.scient., cand.polyt. assigisaalluunniit). Ph.d iluaqutaasinnaavoq.

Atorfinittussap piginnaasai, sapinngisai misilittagaalu aallaavigalugit atorfik akisussaaffiillu naleqqussarneqassapput.

Inuttut piginnaasassat

Suleqammik pikkorissumik, tunniusimasumik suleqatikkuminartumillu ujartuivugut, taanna:

• Suleqatigiit assigiinngitsunik suliaqartut akornanni sulerusussuseqassaaq
• Attaveqaatinik pilersitsisinnaallunilu attassisinnaassaaq
• Pisariaqartillugu namminersorluni sulisinnaassaaq
• Allanik suleqateqartilluni ataqqinnissuseqassaaq, tunniusimassaaq proffessionaliussallunilu

Kalaallit Nunaanni kulturi inuiaqatigiillu pillugit ilisimasaqarneq iluaqutaasinnaavoq.

Pingaaruteqarnerpaavorli alapernaatsuunissat aammalu piginnaasannik ineriartortitsinissannut kajumissuseqarnissat. Iliuuseqarsinnaavutit aammalu sulisut suleqatigiittartut iluanni ikioqatigiiffiusumilu tunniussaqarsinnaassallutit.

Asiaq pillugu

Asiaq Kalaallit Nunaanni avatangiisinut tigussaasunut pisortaqarfiuvoq paasissutissanillu tigooraasuulluni. Avatangiisit pillugit paasissutissanik ilisimasassanillu inuiaqatigiinnut, attaveqaasersuutit inerisarnissaannut Kalaallit Nunaannilu tamani ilisimatuussutsikkut misissuinissamut paasissutissanik katersisarpugut, paarsisarpugut siammarterisarlutalu.

Nuummi inissisimavugut, Asiamilu hydrologi, silaannaap pissusaa, geodæsi, nunap assiliorneq, nunanik uuttortaaneq, glaciologi avatangiisinillu nakkutiginninneq pillugu ilisimasalinnik 20-t missaanniittunik sulisoqarpoq. Suliffeqarfiup iluani sulisut ilisimasaqarluartut ammasumik, tatiginninnertalimmik akisussaaqatigiittumillu ingerlariusillit akornanni sulisinnaanissaq neqeroorutigaarput.

Asiaq pillugu uani paasisaqarnerugit: www.asiaq.gl

Kalaallit Nunaanni najugaqarneq sulinerlu

Atorfik Kalaallit Nunaanni illoqarfimmi pingaarnerpaami annerpaasumilu Nuummi inissisimavoq. Kalaallit Nunaanni issittumi avatangiisit qanimut tikillugit sulinissamut immikkuullarissunik periarfissaqarpoq, sulinermilu pinngortitaq imaannaanngitsoq misigineqarsinnaavoq silamiinnissamullu periarfissagissaarluni.

Kalaallit Nunaanni najugaqarneq sulinerlu pillugit uani paasisaqarnerugit:
https://www.norden.org/en/info-norden/guide-moving-greenland-0

Atorfeqarnermut atugassarititaasut

Neqeroorutigisinnaavagut:

• Sapaatip akunneranut piffissaq tamakkiisoq atorfigineqarsinnaasoq, akunnerit 40
• Suliffik immikkuullarissoq issittumi avatangiisinut paasissutissanik suliassaqarfiullunilu ilisimatusarfiusinnaasoq
• Suliassat assigiinngisitaartut inuiaqatigiinnut ilisimatusarnerullu iluanut naleqquttut
• Sulinermi avatangiisit tapersersoqatigiiffiusut suleqatigiiffiusut ilisimasatigullu suliaqarnissamut kiffaanngissusiliisoq
• Ilisimasatigut ineriartornissamut immikkullu piginnaanngorsarnissamut periarfissaq
• Sivitsorneqarsinnaasumik ukiunut pingasunut atorfinitsitsineq

Akissaatinut atorfinitsitaanermullu atugassarititaasut Namminersorlutik Oqartussat kattuffiullu attuumassuteqarfigisap akornanni isumaqatigiissutaasut malillugit inissinneqassapput.

https://api.greenland.asa.gl/storage/files/21713914/2763171692/2135317286/[DA]%20Akademikeroverenskomst%20af%205.%20august%202024.pdf

Malittarisassat isumaqatigiissutillu atuuttut malillugit nutsernermut tapiissuteqartoqassaaq, tassunga ilanngullugu Kalaallit Nunaannut Kalaallit Nunaanniillu angalaneq pisattanillu assartuineq.

Malugiuk, Asiamit ataavartumik najugarisassamik inissaqartitsisoqanngimmat. Aallarnisarnermut atatillugu utaqqiisaasumik najugarineqarsinnaasumik neqeroortoqarsinnaavoq.

Paasissutissat

Ulloq atorfiniffissaq: Isumaqatigiissuteqarnikkut.

Atorfik pillugu paasissutissat sukumiinerusut ataaniittumut saaffiginninnikkut pissarsiarineqarsinnaapput:

Anders Læsøe
Immikkoortortaqarfimmi aqutsisoq, Hydrologi, Silaannaap pissusaa aammalu Avatangiisit 
Mobil: +299 551618
E-mail: anl@asiaq.gl

Asiaq suliffeqarfiuvoq tamanut ammasoq, inissaqartitsisoq assigiinngisitaartunillu suliffigineqartoq, taamaattumik sulisinnaasut piginnaasallit qanorluunniit tunuliaqutaqaraluarunik kinaassuseqaraluarunilluunniit qinnuteqarnissaannut kaammattorpagut.

Qinnuteqaatit, CV-t, ilinniarsimanermut uppernarsaatit uppernarsaatillu allat naapertuuttut qinnuteqarnissamut linki ataaniittoq atorlugu nassiutikkit.

Qinnuteqarnissamut ulloq killigititaq: 16. august 2026